Abstract:
Makala haya yanachunguza tanzu za sanaa za maonyesho
ya jadi na utamaduni wa kiafrika zilizotumiwa kiubunifu na
waandishi katika utunzi wa tamthilia ya Kiswahili. Makala
yanabainisha tanzu na tamaduni za kiafrika husika katika
tamthilia za Mashetani, Pungwa, Ngoma ya
Ng’wanamalundi na Mashetani Wamerudi na kufafanua
mbinu walizozitumia watunzi katika kusababisha na kuibua
maana ya ndani ya kazi zao kupitia kwa ejenzi wa taswira
za kimaana. Makala haya vilevile yanashughulikia taswira
zinazojengwa na tanzu za sanaa za maonyesho ya jadi na
tamaduni za kiafrika zilizotumika katika utunzi wa tamthilia
ya Kiswahili. Tamthilia nne za Mashetani, Pungwa, Ngoma
ya Ng’wanamalundi na Mashetani Wamerudi zimehakikiwa
kwa misingi ya nadhadharia za Uhistoria mpya iliyoasisiwa
na Greenblat na na nadharia ya Mwingilianomatini
iliyoasisiwa na Julian Kristeva. Tanzu za sanaa za
maonyesho ya jadi na tamaduni za kiafrika zilizotumiwa
katika utunzi wa tamthilia zetu teule zilibainiswa na kisha
tukazihakiki kubaini taswira zinazojengwa kupitia kwa
matumizi ya aina hiyo katika kujenga dhamira za
mwandishi na umbo zima la tamthilia ya Kiswahili.